Ikkita top-klub taklifini rad etgan Zidan g‘aflatda qoldimi?

Frantsiyalik mutaxassis Zinedin Zidan hamon birorta klubda ish boshlagani yo‘q.

Ma’lum bo‘lishicha, 50 yoshli murabbiyga shu yilning bahorida "Manchester Yunayted" hamda "Pari Sen-Jermen"dan qiziqish bo‘lgan. Ayniqsa, parijliklarning taklifi moliyaviy tomondan ancha baquvvat bo‘lganiga qaramay, ZiZu rad javobini qaytargan.

Taxminlarga ko‘ra, Zidan Frantsiya milliy terma jamoasini boshqarmoqchi. Ayni paytda "uch ranglilar" bosh murabbiyi sifatida Dide Desham ishlamoqda. Katta ehtimol bilan, Desham 2024 yilgi Evropa chempionatida ham ishlaydi.

Zinedin 2021 yilning boshida "Real"ni tark etgandi. Shundan beri u ishsizligicha qolmoqda.