“Ikkichi” Ronalduni erga urishdi

“Manchester Yunayted” ketma-ket ikkinchi marta mag‘lubiyatga uchraganidan keyin muxlisu mutaxassislar tomonidan jiddiy tanqidlarga uchramoqda.

“Brentford” bilan bo‘lgan o‘yinda Krishtianu Ronaldu jamoasiga yordam berolmadi va tanqidlar ostida qolib ketdi.

The Mirror nashri jurnalistlari o‘yinni tahlil qilib, eng past ballni Angliyada eng katta maosh oladigan darvozabon David de Xeaga qo‘ydi. Eng yaxshi ballarga Markus Reshford va Kristian Eriksen loyiq ko‘rildi.

Jamoa yulduzi Ronaldu besh balli tizimda ikki baho oldi.

- Ronaldu qo‘lini baland ko‘tardi, baqir-chaqir qildi va charchagani bilinib qoldi. Har galgidek, - deb yozdi nashr jurnalistlari 37 yoshli hujumchi haqida.