Ikki nafar FIFA hakamimiz CAFA U-20 turnirida ishlaydi

Joriy yilning 19-29 may kunlari Tojikistonning Hisor shahrida Markaziy Osiyo davlatlari o‘rtasida muntazam tashkil etiladigan SAFA U-20 chempionati o‘tkazilishi rejalashtirilgan.

6 ta terma jamoa o‘rtasida bo‘lib o‘tadigan ushbu musobaqada bizning yosh futbolchilarimiz ham to‘p surishadi. Ahamiyatli jihati, ushbu bahslarda hakamlik qilish uchun 2 nafar FIFA hakamimiz — Firdavs Norsafarov (bosh hakam) va Avaz Abdullaev (yordamchi hakam), shuningdek, Jahongir Saidov (nazoratchi) ham jalb etilgan.