Ibrohimovich o‘zidan kuchli futbolchi kimligini aytdi

“Milan” hujumchisi Zlatan Ibrohimovich braziliyalik Ronaldoni futbol tarixidagi eng yaxshi futbolchi ekanini ta’kidladi.

- Mendan Ronaldoning o‘yiniga ta’rif berishni so‘rayapsizlar. U fenomen va boshqa gap-so‘zlar ortiqcha. Doim aytganman, o‘ynaydigan futbolchilar bor va o‘yinga aylanib ketgan futbolchilar bor. Ronaldoning o‘zi katta o‘yin.

Hammamiz unga o‘xshab o‘ynashni orzu qilardik. U futbolni o‘zgartirib yubordi. Men uchun Ronaldu dunyo futbol tarixida eng zo‘ri bo‘lib qolaveradi, - dedi Ibrohimovich.