Husanovning do‘sti "Siti"dan ketdi

"Manchester Siti" o‘zining rasmiy saytida himoyachi ketganini e’lon qildi. Braziliyalik Vitor Reys jamoani tark etib, "Jirona"ga ko‘chib o‘tdi. Klublar 19 yoshli futbolchini ijaraga olishga kelishib oldi. Kelishuv 2025/2026-yilgi mavsum oxirigacha mo‘ljallangan.

Ma’lumot o‘rnida, "Jirona" City Football Group xoldingi tarkibiga kiradi. "Manchester Siti" ushbu xoldingning asosiy klubi hisoblanadi.

Vitor Reys 2025 yil boshida "Palmeyras"dan transfer qilinganidan keyin "Manchester Siti" tarkibini to‘ldirdi. O‘shandan beri himoyachi "shaharliklar"ning asosiy jamoasi safida to‘rtta o‘yinni samarasiz o‘tkazdi.

"Jirona" uchun yangi mavsum 15 avgust kuni "Rayo Valekano"ga qarshi o‘yin bilan boshlanadi.