Husanovni oxirigacha o‘ynatmagan Gvardiola alamli mag‘lubiyatdan keyin nima dedi?
“Manchester Siti” Angliya Premer-ligasining yangi mavsumiga puxta tayyorgalik ko‘ra olmagani oshkor bo‘lib qoldi. Xosep Gvardiola shogirdlari birinchi turda “Vulverxempton”ni 4:0 hisobida tor-mor keltirganidan keyin ko‘pchilik “shaharliklar”ni maqtashga kirishib ketgandi.
Biroq ikkinchi turda “Tottenxem” Manchesterdan 2:0 hisobidagi g‘alaba bilan uch ochkoni olib ketdi. Uchinchi turda Xosep Gvardiola shogirdlarida avvalgi o‘yindagi mag‘lubiyat tasodif ekanini isbotlash imkoni bor edi.
“Brayton” maydonida mehmon bo‘lgan “shaharliklar” birinchi bo‘limda katta ustunlikka erishgan bo‘lsa-da, raqib darvozasini faqatgina bir marta ishg‘ol qildi. Erling Xoland to‘rtinchi urinishini golga aylantirdi.
Ikkinchi bo‘limda vaziyat keskin o‘zgardi. Endi “Brayton” bosimni kuchaytirdi. Natijada jamoa penalti ishladi va hisobni tenglashtirdi. O‘yin yakunlanishi arafasida mezbonlar g‘alaba to‘pini ham kiritdi.
Biz uchun ahamiyatlisi, Abduqodir Husanov 85-daqiqa harakatlandi va birorta xatoga yo‘l qo‘ygani yo‘q. Ikkinchi to‘p, o‘zbek himoyachisi zaxiraga olinganidan keyin kiritildi.
Uchrashuvdan keyin Xosep Gvardiola o‘yin borasida o‘z fikr-mulohazalarini bildirdi.
- Meng o‘zimiz bajarayotganishlarning katta qismi juda ma’qul kelmoqda. “Tottenxem”ga qarshi uchrashuvni ham juda yaxshi boshlagan edik. Bu gal ham menga ko‘p narsa yoqdi, lekin yana g‘alaba qozona olmadik.
Biz gol o‘tkazib yuborganimizdan keyin hammasi o‘zgarib ketdi. Ungacha hamma ishlarimiz juda yaxshi davom etayotgan edi. Gol urish uchun qulay vaziyatlarimiz bo‘ldi, jamoa shiddatli o‘yin namoyish qilayotgan edi. Bahsning bir soatini juda zo‘r o‘tkazdik, qolgan yarim soatdagi harakatlarimiz esa, ancha bo‘sh chiqdi.
Biz yaqin masofalarga pas berishni unutib qo‘ydik, uzoqqa to‘pni oshirish orqali hujum qilmoqchi bo‘ldi. Gol o‘tkazib yuborganimizdan keyin qanday o‘ynashimiz kerakligini amalda ko‘rsata olmadik. “Tottenxem” bilan to‘qnashuvda ham xuddi shunday bo‘lgandi.
Bu bor-yo‘g‘i bitta o‘yin xolos. Mavsum endi boshlandi va oldinda hali uzoq davom etadigan jarayon bor.
Sovrin uchun kurashamizmi? Bizsha yana biroz vaqt bering. Hozircha, endigina uchta tur o‘tdi, - dedi Xosep Gvardiola.
“Manchester Siti” Angliya Premer-ligasining navbatdagi uchrashuvini 13 sentyabr kuni o‘z maydonida hamshaharlari “Manchester Yunayted”ga qarshi o‘tkazadi.
Shomurodov va Fayzullaev “Bashakshehir”dagi jiddiy o‘zgarishlarga sabab bo‘lmoqda
O‘zbek legionerining kutilmagan transferiga izoh berildi
Fikrlar