Ҳеч ким етолмайди! Роналду жаҳон рекордини яна янгилади

УЕФА Миллатлар лигаси ярим финал учрашувида Португалия терма жамоаси сафар учрашувида Германия футболчилари устидан 2:1 ҳисобида зафар қучди.

Меҳмонларга ғалаба келитрган голни 68-дақиқада Криштиану Роналду киритди.

Бу гол янги рекорд бўлди. Роналду халқаро миқёсда урган голлари сонини 137 тага етказиб олди. Яқин ўртада бу кўрсаткични ҳеч ким такрорлай олмайди.

Чунки терма жамоа учун гол уриш бўйича Роналдунинг энг яқин таъқибчиси Лионель Месси ҳисобида 112 та нишонга аниқ борган зарба бор.  

40 ёшли Роналду профессионал фаолиятидаги барча голлари сонини 937 тага етказиб олди. Бу кўрсаткич ҳам мутлақ рекорд ҳисобланади.

Криштиану Роналду  барча голларидан 800 тасини клублар миқёсида, яъни “Спортинг”, “Манчестер Юнайтед”, “Реал”, “Ювентус” ва “Ан-Наср”да киритган.