Hamon davom etayotgan Belarus chempionatida iste’fo yuz berdi

Minskning "Dinamo" klubi bosh murabbiyi Sergey Gurenko o‘z lavozimidan ozod etildi. Bu haqda klub matbuot xizmati xabar tarqatmoqda.

Yuqoridagi manbaga ko‘ra, shartnoma tomonlarning o‘zaro roziligi bilan bekor qilingan. Gurenko Belarus chempionatining 4-turida "Gorodei" klubiga qarshi o‘yinda uchralgan mag‘lubiyatdan so‘ng iste’foga chiqishga qaror qilgan. Rahbariyat undan jamoada qolishni so‘ragan, ammo u o‘z fikrini o‘zgartirmagan.

Eslatib o‘tamiz, Belarus koronavirus sabab to‘xtatilmagan yagona chempionat hisoblanadi.