Гвардиола: "Ювентус" — Италиянинг энг катта клуби"

"Манчестер Сити" бош мураббийи Хосеп Гвардиола Клублар ўртасидаги Жаҳон чемпионати доирасидаги "Ювентус"га қарши ўйин арафасида рақибни баланд баҳолади.

"Биз бу мавсумда аллақачон "Ювентус"га қарши ўйнадик ва Туринда мағлуб бўлдик. Эндиликда эса уларда янги мураббий бор. Биз Италиянинг энг асосий клуби ҳақида гапиряпмиз — балки Европада эмас, аммо Италияда аниқ энг оммабоп жамоа.

Бу учрашув гуруҳда биринчи ўринни ҳал қилиб беради. "Юве" — турли жиҳатдан ажойиб жамоа. Уларга қарши яна майдонга чиқишни сабрсизлик билан кутяпман" — деди Гвардиола "Mediaset" нашрига берган интервьюсида.

Эслатиб ўтамиз, икки клуб ўртасидаги беллашув 26 июнь куни соат 00:00да старт олади.