Gvardiola: "Ular kuchli, biz esa...

Pep Gvardiola "Manchester Siti" - "Atletiko" (1:0) to‘qnashuvi haqida o‘z fikrlarini bildirib o‘tdi. 

"Juda ham tengma-teng va murakkab o‘yin. "Atletiko" - jamoa bo‘lib himoyalanishda master. Bu oson emas. Raqibga hujum qilishga imkon bermay, sabr qildik. 

Biz "Atletiko"ni 5-3-2 sxemasida harakatlanishini kutgandik. Biroq ular o‘yinga moslashib olgach, 5-5-0 taktikasiga o‘tib olishdi. 

Bugun, avval va yuz ming yildan keyin ham bu kabi uslubda to‘p tepadigan jamaolarga qarshi hujum qilish qiyin. Sababi, bo‘sh hudud umuman yo‘q. 

Ular kuchli, biz kichik va engilmiz. Uchrashuvni sabr evaziga yutib ketdik. O‘ylaymanki, javob bahsida jamoalar bugun gol urilgan vaziyatdan keyingi o‘yinlarini namoyish etadi. 

Ushbu bellashuvdan saboq olamiz va yaxshiroq bo‘lishga intilamiz", - dedi "shaharliklar" ustozi.