Gvardiola nega "Manchester Yunayted"ga qarshi Husanov maydonga tushmaganini qisman ochiqladi!

"Manchester Siti" bosh murabbiyi Xosep Gvardiola Angliya Premer-ligasining navbatdagi turidan o‘rin olgan "Kristal Pelas"ga qarshi bahsdan avval matbuot anjumanida ishtirok etib, "Manchester Yunayted"ga qarshi bahsda bir necha futbolchilarning zaxirada qolganini izohladi. 
 
"Men ushbu o‘yinga tajribali futbolchilarni tanladim, balki ular barcha sxemalarni yaxshiroq bilishadi deb o‘yladim. Ammo bu MYuga qarshi o‘yinda amalga oshmadi. Shu bilan birga, men har doim tajribali futbolchilarni istayman, ular aynan nima qilish kerakligini, pozitsiyasini biladi, ba’zida ko‘proq mas’uliyatni ham o‘z qo‘liga oladi — men xohlagan narsa shu edi" - deya ta’rif berib o‘tdi ispaniyalik mutaxassis. 
 
Ma’lumot o‘rnida, "shaharliklar" 6 aprel kuni Ruben Amorim boshchiligidagi "qizil iblislar" bilan to‘qnash kelib, 0:0 hisobidagi durangga imzo chekkan edi. Mazkur bellashuv milliy terma jamoamiz a’zosi hisoblangan Abduqodir Husanov zaxirada qoldirildi.