Гвардиола де Брюне ҳақида: "Бу мамлакатда ўйнаган энг буюк ярим ҳимоячилардан бири"

Хабарингиз бор, бир неча дақиқа олдин белгиялик ярим ҳимоячи ҳисобланган Кевин де Брюне ёзда "Манчестер Сити"ни тарк этиши эълон қилди. Ушбу воқеага жамоа бош мураббийи Хосеп Гвардиола ўз фикрлари билан ўртоқлашди.

"Охирги ўн йил ичида биз билан амалга оширган муваффақиятларини айтишга ҳожат йўқ - уни тасаввур қилиш имконсиз эди.

Бу жуда оғир кун, чунки биздан бир парча кетмоқда. Компани, Агуэро ёки Давид Силва кетганида, уларнинг ҳиссалари ҳам ажойиб бўлган эди. Яна кўп исмлар айтишим мумкин, аммо бу учта мисолни келтираман.

Олдинда аниқ 10 та ўйинимиз бор ва умид қиламанки 11 та ҳам бўлади. Шу билан бирга, мен ишонаманки мухлисларимиз унга жуда қаттиқ ҳурмат кўрсатишади.

Бу мамлакатда ўйнаган энг буюк ярим ҳимоячилардан бири - Кевин де Брюне.

Ҳозирда у ўзини яхши ҳис қилмоқда. Кевин бир неча оғир жароҳатлардан сўнг тикланишга бироз қийналган эди, лекин сўнгги кунларда анча яхши.

Унинг паслари, зарбалари ва барча ҳаракатлари ҳар доим ноёб эди. Биз сўнгги 10 йил давомида қандай соврин ютган бўлсак - бунда унинг ҳиссаси улкандир.

Менимча, уни бу клубнинг бир қисми сифатида эслаб қоламиз, унинг баёноти шундаки, клуб унга бутун умри давомида эшиклар очиқ эканлигини айтди. У бу ерда бошқа бирор иш қилмоқчи бўлса, у бу клуб оиласининг бир қисмидир" - дея таъриф бериб ўтди испаниялик мутахассис.

Маълумот ўрнида, 33 ёшли хавбек бутун фаолияти давомида "шаҳарликлар" сафида 413 та беллашувда майдонга тушиб, 106 та гол ва 174 та голли узатмага муаллифлик қилган.