Гвардиола: Бу юлдуз ўйнамайди, мен уни Европа чемпионатидан бери кўрганим йўқ

“Манчестер Сити” Англия Премьер-лигасидаги биринчи тур учрашувини 18 август куни “Челси” майдонида ўтказади.

Амалдаги чемпионлар бош мураббийи Хосеп Гвардиола журналистларнинг саволларига жавоб бериб, илк беллашувда энг муҳим ўйинчилардан бири Родри иштирок этмаслигини билдирди.

— Европа чемпионати финалида жароҳат олган Родрининг аҳволи қандай?

–  Билмайман, мен уни ўшандан бери ҳали кўрганим йўқ. У машғулотларни бошласа, ўшанда кўришамиз ва ўзини қандай ҳис қилаётганини билиб оламиз.

– “Челси” билан ўйнамайдими?

– Бунинг умуман имкони йўқ.

— Европа чемпионати финалида ўйнаган Фил Фоден, Кайл Уокер, Жон Соунзларчи? Улар “Манчестер Юнайтед” билан учрашувни ўтказиб юборди.

– Уларнинг бари атиги икки-учта машғулотда қатнашди холос. Уларнинг жисмоний ҳолати яхши. Лекин улар 90 дақиқа фаол ўйнашга тайёр бўлмаслиги мумкин.