Гвардиола: "Биз Жаҳон чемпионатига ютиш учун борамиз"

"Манчестер Сити" бош мураббийи Хосеп Гвардиола эртага бошланадиган 2025 йилги Клублар ўртасидаги Жаҳон чемпионати ҳақида фикр билдирди.

"Бу — жуда-жуда жиддий мусобақа. Бутун дунё ушбу чемпионатни томоша қилади. Унда жаҳоннинг энг кучли жамоалари иштирок этади. Сизларга кафолат бераман, биз ғалаба учун бор кучимизни ишга соламиз. Биз бу ерга фақат ғалаба учун борамиз" — дея иқтибос келтиради мураббий сўзларини журналист Энди Хэмпсон.

"Манчестер Сити" G гуруҳидан жой олган ва қуйидаги жамоаларга қарши ўйнайди:

Аль-Айн (БАА)

Видад Касабланка (Марокаш)

Ювентус (Италия)

Эслатиб ўтамиз, "шаҳарликлар" ўтган мавсум Англия Премьер-лигасини учинчи ўринда якунлаган эди.