Гвадиола “Реал“нинг энг муҳим ўйинчисини олиб кетмоқчи

“Манчестер Сити” янги таркибни шакллантириш ишларини ёзги трансферлар даврида ҳам давом эттиради. Хосеп Гвардиола истеъдодли ёш ижрочилар қаторида номдор фуболчиларни ҳам ўз лойиҳасига жалб этмоқчи.

Испаниялик мутахассис “Реал”нинг энг муҳим ўйинчиларидан ҳисобланган Федерико Вальвердени Манчестерга кўчириб келмоқчи.

“Манчестер Сити” мураббийлар штабига уругвайлик футболчининг универсаллиги, Федериконинг ярим ҳимоянинг турли нуқталарида, ўнг қанот ҳимоясида ва ҳужумчи ортида ўйнай олиш қобилияти маъқул келмоқда.

Хусусан, Гвардиоланинг ўзи Вальверде у қўллаётган ўйин услубига тўлиқ мос тушади, деган фикрда. Испан мураббийига 26 ёшли футболчининг юқори жисмоний тайёргарлигини барқарор ушлаб туриши ҳамда тактик интеллектининг юқорилиги айниқса ёқади.

Трансфер бўйича мутахассислар “шаҳарликлар”нинг бу танлови ўта мураккаб эканини таъкидламоқда. Чунки Вальвердени олиш учун аввал “Реал”ни, кейин эса, ўйинчининг ўзини ҳамкорликка кўндириш талаб этилади.