"Grand Slam Tbilisi". Ikkinchi kun bahslarida bitta medal qo‘lga kiritildi, umumjamoa hisobida 2 pog‘ona pastladik

Xabaringiz bor, kecha, 26 mart sanasidan e’tiboran Gruziya poytaxti Tbilisi shahrida dzyudo bo‘yicha "Katta dubulg‘a" turniri start oldi. Bugun ushbu musobaqaning ikkinchi kun bellashuvlari bo‘lib o‘tdi. 

Kun davomida tatamiga chiqqan dzyudochilarimizdan birgina Gulnoza Matniyozova terma jamoamiz hisobini medal bilan boyitishga erishdi. Toshkent "Katta dubulg‘a" turniri bronza medali sohibasi Tbilisidagi musobaqada ham shu natijani takrorlay oldi.