"Give Me Sport" 2026 йилги "Олтин тўп" учун фаворитлар рейтингини эълон қилди

"Give me Sport" нашри 2026 йилги "Олтин тўп"ни қўлга киритиш учун фаворитларнинг янги рейтинги эълон қилди. Рўйхатни "Реал Мадрид" ҳужумчиси Килиан Мбаппе бошқармоқда. Франциялик футболчи айни дамда Ла Лига ва Чемпионлар Лигасининг энг яхши тўпурари ҳисобланади.

Иккинчи ўринда "Барселона"нинг юлдузи Ламин Ямаль қайд этилган. Учинчи ўринни эса кетма-кет ўйинларда тўпурарлик қобилиятини намойиш этаётган "Бавария" ҳужумчиси Ҳарри Кейн эгаллаган.

2025 йилги "Олтин тўп" соҳиби Усмон Дембеле тўртинчи ўринни эгаллаган бўлса, "Барселона" яримҳимоячиси Педри кучли бешликни якунлаб берган. Қуйида "Топ-10" рейтинг билан танишинг:

1.Килиан Мбаппе — "Реал Мадрид" (Франция)
2.Ламин Ямаль — "Барселона" (Испания)
3.Ҳарри Кейн — "Бавария" (Англия)
4.Усмон Дембеле — "Пари Сен-Жермен" (Франция)
5.Педри — "Барселона" (Испания)
6.Эрлинг Холанд — "Манчестер Сити" (Норвегия)
7.Жуд Беллингем — "Реал Мадрид" (Англия)
8.Муҳаммад Салоҳ — "Ливерпуль" (Миср)
9.Винисиус Жуниор — "Реал Мадрид" (Бразилия)
10.Родри — "Манчестер Сити" (Испания)