Гави жамоа ичидаги тер Штеген билан бўлган можарога ойдинлик киритди

"Барселона" ярим ҳимоячиси Гави клубдаги сўнгги можарога муносабат билдирди. Унинг фикрича, жамоа биринчи капитан Марк-Андре тер Штегенга ҳурмат билан ёндашиши шарт.

"Марк – жамоамизнинг биринчи капитани ва бу борада футболчиларнинг ҳам овози бор. Жамоа қандай қарор қилса, шундай бўлади.

У оғир жароҳатни бошдан кечирди. Марк – клуб афсонаси. Биз унга кимлиги учун ҳурмат кўрсатишимиз керак. У жароҳатдан қайтгач, барчаси аниқ бўлади. Қарорни эса мураббий Флик қабул қилади", – дея таъриф бериб ўтди испаниялик ярим ҳимоячи "RAC1" нашрига.

Аввалроқ, тер Штегеннинг умуртқа операцияси ҳақида клуб раҳбариятини хабардор қилмасдан баёнот бергани норозиликка сабаб бўлганди. Шу муносабат билан дарвозабон капитанликдан маҳрум қилиниши мумкинлиги ҳақида хабарлар тарқалди.