Gattuzo "Napoli"ni kuchaytiradigan futbolchini kutyapti
A Seriyaning kuchli klublaridan hisoblangan “Napoli” qishki transferlar vaqtida yangi futbolchilarni olishga qaror qildi.
Birinchi navbatda, neapolliklar “Chelsi” himoyachisi Emersonni olishni rejalashtirmoqda. Braziliyalik futbolchini olishni bosh murabbiy Jennaro Gattuzo talab qilyapti. Tomonlar bu transfer bo‘yicha dastlabki muzokaralarni boshladi.
“Chelsi” rahbariyati Emersonni qishda ketishi kerak bo‘lgan futbolchilar ro‘yxatiga kiritgan. Shu bois, “Napoli” maqsadiga etishi uchun jiddiy to‘siq yo‘q.
Londonliklar yangi mavsumda birorta uchrashuvda maydonga tushmagan Emersonni 18 million evroga baholamoqda. Biroq, kelishuvlar samarali kechsa, bu summa pasaytirilishi mumkin.
Fikrlar