Ғаройиб учрашув. Робин ван Перси жамоасига қарши 12 футболчи ўйнади

Нидерландия футболида ғалати воқеа содир бўлди. Чемпионатнинг 21-турида таниқли собиқ футболчи Робин ван Перси бош мураббийлик қилаётган “Херенвен” ўз майдонида “Фортуна” билан куч синашди.

Учрашувнинг 89-дақиқасида мезбонлар ҳисобда 2:1 ҳисобида олдинда бораётган вазиятда “Фортуна” таркибида бир дақиқа давомида 12 нафар футболчи ўйнаётгани маълум бўлди. 90-дақиқада меҳмонлар ҳисобни тенглаштирди – 2:2.

Бу ҳолат футбол жамоатчилиги томонидан кенг муҳокама қилинмоқда.

Мусобақа жадвалида “Херенвен” 25 очко билан ўнинчи ўринда бормоқда. “Фортуна” эса, бир очко кўп жамғарган ҳолда икки поғона юқоридан жой олди.