Futzal bo‘yicha jahon chempionati: O‘zbekiston MTJ joylashgan guruhda turnir jadvalidagi holat qanday? (Foto)

Litvada o‘tayotgan futzal bo‘yicha jahon chempionatida O‘zbekiston milliy terma jamoasi 1-turda maydonga tushdi. Bahodir Ahmedov boshchiligidagi futzalchilarimiz "V" guruhida ishtirok etmoqda.

Hamyurtlarimiz Gvatemalaga qarshi bahs yuritishdi. Vakillarimiz 4:1 hisobida ortda borayotib, vaziyatni o‘nglagandi - 4:4. Ammo uchrashuv yakuniga bir necha soniya vaqt qolganda raqib beshinchi golni urib, g‘alaba qozondi.

Kvartetimizdagi Rossiya - Misr bahsida 9:0 hisobi qayd etildi. Ushbu g‘alabalardan so‘ng Rossiya va Gvatemala turnir jadvalida peshqadamlikni qo‘lga oldi. O‘zbekiston hamda Misr keyingi pog‘onalarni band etdi.