Futbol yana bir ajoyib o‘yinchi bilan xayrlashmoqda

Germaniyalik yarim himoyachi Sami Xedira 34 yoshida futbolchilik faoliyatini yakunlaydi.

“Bu juda qiyin qadam, ammo bu yagona to‘g‘ri qadam”, - dedi Xedira.

Sami joriy mavsum Bundesligada 8 ta o‘yinda maydonga tushdi va 1 ta golga assistentlik qildi.

Xedira faoliyati davomida "Shtutgart", "Real" va "Yuventus" kabi jamoalarda to‘p surgan. U Germaniya, Ispaniya va Italiya chempioni hisoblanadi.

Xedira Germaniya terma jamoasi safida 2014 yilda jahon chempionligini qo‘lga kiritgan. Bundestimdagi faoliyatini 2018 yilda yakunlagan.