Futbol qiroli koronavirusga qarshi emlandi

Futbol qiroli Pele koronavirusga qarshi emlandi. 2 mart kuni 80 yoshli braziliyalikka COVID -19 vaktsinasining ikki dozasidan birinchisi berildi.

“Bugun unutilmas kun - emlandim! Pandemiya hali ham davom etmoqda. Biz hayotni saqlab qolish uchun intizomli bo‘lishimiz kerak. Qo‘lingizni yuvishda davom eting va iloji bo‘lsa uyda qoling. Agar siz ko‘chaga chiqishingiz kerak bo‘lsa, niqob taqishni unutmang. Va, albatta, ijtimoiy masofani saqlang. Boshqalar haqida o‘ylab, bir-birimizga yordam beradigan bo‘lsak, hamma narsa o‘tib ketadi ", - deb yozdi Pele o‘zining instagram sahifasida.