"FUJAIRAH GLOBAL Chess Championship". Абдулазизов Асилбек қийин кечган баҳсда қатарлик спортчи устидан ғалаба қозонди - бугунги натижалар!

Бирлашган Араб Амирликларининг Фужайра шаҳрида биринчи бор ўтказилаётган "Fujairah Global Chess Championship 2025" нуфузли мусобақаси давом этади. Ушбу катта турнирда Ўзбекистон шарафини бир қатор ёшларимиз ҳимоя қилмоқда. Бугун 6-тур ўйинлари бўлиб ўтди.

"Masters" гуруҳида  қатнашаётган Шермуҳаммадов Самандар бугун оқ доналарда ҳиндистонлик Санкет Чакравартй билан беллашди ва ғалабани қўлга киритди.

Унинг FIDE рейтингида айни дамдаги очколари 2110.

"Open" гуруҳи

Абдулазизов Асадбек 6-турда ҳинд спортчиси Никҳил Сирирам билан баҳсга киришди. Асадбек финишга яқин хатога йўл қўйди ва дуранг қайд этди. Унинг ўтган турдаги рақиби Сулейманова Ава эди ва унда ҳам муроса кўчаси танланганди.

Эслатиб ўтамиз, 5-тур якунида Асадбек хаммадан кўпроқ, яъни рейтингини 89.6 очкога ошириб олди. 

Унинг FIDE рейтингида айни дамдаги очколари 1820.

Абдурасулов Музаффаржон филлипинлик Рамеш Раж билан партияга киришди ва у қора доналарда ғалабани ўзиники қилди. Музаффаржон ўтган турда ҳиндистонлик Кригна Бомми билан кураш олиб бориб, мағлубиятга учраганди.

Унинг FIDE рейтингида айни дамдаги очколари 1642.

Абдулазизова Асмирахоннинг бугунги рақиби ҳиндистонлик Адваитҳ Правеен бўлди. Кескин ва шиддатли кечган баҳсда рақибнинг қўли баланд келди. Асмирахон ўтган турда ҳиндистонлик Даҳвид Сиби Курисинкал билан омадсизликка учраганди. 

Унинг FIDE рейтингида айни дамдаги очколари 1526.

Абдулазизов Асилбек бугун қатарлик Ал-Жанаҳи Ибраҳим билан беллашди. Қийин кечган партияда вакилимиз ғалабани тантан қилди. У ўтган турда оқ доналарда ҳиндистонлик Нишита Картҳик билан ўйнаганди ва қийинчилик билан ғалаба қозонган. 

Унинг FIDE рейтингида айни дамдаги очколари - 1820.

Абдулазизова Асминахон бугун БАА вакили Моҳамед Алмаене билан беллашиб, омадсизликка учради.

Эслатиб ўтамиз, мусобақа 1-сентябрга қадар давом этади. Барча иштирокчиларимизга омад тилаймиз!