FR: Penaltilardan eng ko‘p aziyat chekkan jamoa qaysi?

O‘zbek futboliga oid qiziqarli statistikalarni keltirishda davom etamiz. Bugun nishonimizda 11 metrli jarima zarbalari bo‘ladi.

Superligada mavsum boshidan beri 56ta o‘yin o‘tkazildi. Bu bahslarda hakamlar 29 bor penalti nuqtasiga ishora qilishgan. Ulardan 21tasi golga aylandi. Eng ko‘p penalti belgilagan referi Firdavs Norsafarov hisoblanadi (5 marta).

11 metrli jarimalardan eng ko‘p foydalangan futbolchi Dragan Cheran bo‘lib turibdi (4 marta).

"Navbahor", "Nasaf" va "Paxtakor" bu yil hammadan ko‘proq penalti tepishdi (4 martadan). "Qizilqum" esa 8 o‘yindan keyin penalti tepmagan yagona jamoa bo‘lib turibdi.

11 metrli jarima zarbalaridan eng ko‘p aziyat chekkan jamoa esa "Paxtakor" hisoblanadi. Yil boshidan beri "sherlar" darvozasi tomon 6ta penalti tepildi. "Navbahor", "Olimpik" va "Buxoro" jamoalarining zarariga esa birorta penalti belgilangani yo‘q.

Darvozabonlardan faqatgina Suhrob Sultonov 11 metrli duellarda xato qilgani yo‘q.

Faxriddin Ro‘ziev