Фоден "Манчестер дербиси"даги ғалабани вафот этган боксчига бағишлади.

"Манчестер Сити" АПЛнинг 4-турида "Манчестер Юнайтед"ни йирик 3:0 ҳисобида мағлуб этди. Учрашув бошланишидан аввал клуб мухлиси ва афсонавий боксчи Рикки Хаттоннинг вафоти маълум қилинди. Ғалабадан сўнг Фил Фоден бу натижани Хаттон ва унинг оиласига бағишлади.

"Мен учун бу ўйинда қўшимча мотиватсия бор эди. Барчасини у ва унинг оиласи учун қилдик. Натижадан жуда хурсандмиз. Биз тўпни назорат қилдик, голлар урдик ва майдонда бор кучимизни бердик. Энди буни кейинги ўйинларда ҳам такрорлашимиз керак",— деди футболчи.

Маълумот учун, беллашувдаги голларга Фоден ҳамда Эрлинг Холанд (дубль) муаллифлик қилди.