Флик: "Барселона" Чемпионлар лигаси учун курашади"

"Барселона" бош мураббийи Ханс-Дитер Флик жамоа Чемпионлар лигаси йўлида охиригача ҳаракат қилишини таъкидлади.

"Мен ҳаётимдаги энг яхши йилни ўтказдим. Ростини айтсам, бу осон бўлмади, аммо ўтган мавсумда чемпионликни нишонлаб автобусда "Барселона" кўчалари бўйлаб юрганимиз — ажойиб лаҳза эди. Ҳозир ҳам шу орзу қилинган совринларни қўлга киритишни истайман, аммо бу осон эмас. Биз буни қиламиз, бор кучимизни ишга соламиз. Агар шундай бўлса, жуда бахтиёр бўламан.

"Бавария"да энг ёдда қолган кун — Чемпионлар лигасини қўлга киритганимиз эди. Бу жуда таъсирли воқеа бўлган. "Барселона"да ҳам ҳамма шуни хоҳлайди ва биз бу учун курашамиз. Бу осон бўлмайди, аммо ваъда бераман: биз охиригача курашамиз", — деди "Барселона" бош мураббийи Ханс-Дитер Флик.