ФИФАда 2030 йилги жаҳон чемпионатида 64 та жамоа иштирок этиши муҳокама қилинди

  • 24 сентябрь, 16:55
  • Ali Ahmadxo’jayev
  • 0
  • Футбол
CHERY AUTO

Сешанба куни ФИФА Жанубий Америка вакиллари делегациясидан расмий таклиф олганидан сўнг, эркаклар ўртасидаги жаҳон чемпионатини 2030 йилда 64 та жамоа иштирок этадиган турнирга айлантириш масаласини муҳокама қилди.

Tecno

Гуруҳ таркибига Парагвай ва Уругвай давлатлари раҳбарлари, шунингдек, Жанубий Америка КОНМЕБОЛ конфедерацияси раҳбарлари ва Аргентина футбол ассоциацияси (АФА) раҳбари кирди.

Учрашув ФИФАнинг Ню-Йоркдаги Трамп минорасида (Trump Tower) жойлашган бош қароргоҳида ФИФА президенти Жанни Инфантино ва бош котиби Маттиас Графстрем иштирокида бўлиб ўтди.

64 та жамоа иштирокида турнир ташкил этиш ғояси биринчи марта Уругвай футбол ассоциацияси президенти Игнасио Алонсо томонидан март ойида бўлиб ўтган ФИФА кенгаши йиғилишида тақдим этилган. Апрель ойида КОНМЕБОЛ президенти Алехандро Домингес 64 та жамоа иштирокидаги концепция 1930 йилда Уругвайда бўлиб ўтган биринчи жаҳон чемпионатининг 100 йиллигига бағишланган ноёб тадбир бўлишини айтди.

The Athletic нашрининг ёзишича, айни дамда таклиф қарама-қарши реакцияларга сабаб бўлмоқда. Турнирни кенгайтириш бўйича ҳар қандай қарор ФИФА Кенгашида муҳокама қилиниши ва маъқулланиши керак.

Фикрлар

Саралаш
Фикр қолдириш учун авторизациядан ўтинг!