ФИФА икки халқаро танаффусни бирлаштирди

FIFA сентябрь ва октябрдаги халқаро танаффусларни бирлаштирадиган бўлди. 

Келгуси мавсумдан бошлаб, сентябрь ва октябрь ойларидаги халқаро танаффуслар FIFA расмий сайтидаги тақвимга мувофиқ, тахминан уч ҳафта давом этадиган битта танаффусга бирлаштирилади. Ноябрдаги танаффус эса аввалгидек қолади. 

Бу даврда ҳар бир жамоа ҳозиргидек иккита эмас, тўрттагача ўйин ўтказади. 

2026 йилда биринчи кузги халқаро танаффус 21 сентябрдан 6 октябргача давом этади. Янги жадвал камида 2030 йилгача амал қилади.