Faoliyatini yakunlaganiga 8 yil bo‘lgan Adriano xayrlashuv uchrashuvini o‘tkazmoqchi

Faoliyatini amalda yakunlaganidan sakkiz yil o‘tib braziliyalik Adriano xayrlashuv uchrashuvini o‘tkazishga qaror qildi.

O‘z davrining etakchi hujumchilaridan bo‘lgan Adriano faoliyatining eng yaxshi davrini o‘tkazgan "Inter" rahbariyatini bunday tashabbusga ko‘ndirmoqchi. "Inter"ning xayrlashuv uchrashuvidagi raqibi Braziliyaning "Flamengo" jamoasi bo‘ladi va o‘yin 42 yoshli Adriano rejalashtirganidek, mashhur "Marakana" stadionida bo‘lib o‘tadi.

Ushbu uchrashuvning taxminiy sanasi joriy yilning 15 dekabr bo‘lishi aytilmoqda. Adriano ushbu bahsda ikkala jamoa libosida bittadan taym o‘tkazadi.

"Faoliyatimni bir necha yil oldin yakunlagan bo‘lsam ham, bu o‘yin menga kerak", - dedi futbolchi Globo Esporte nashriga bergan intervyusida.