Evropa grandlari qiziqib yurgan futbolchi Saudiyaga yo‘l olishi mumkin

"Fiorentina" yarim himoyachisi Sofyan Amrabat faoliyatini Saudiya Arabistoni chempionatida davom ettirishi mumkin. 

Ma’lum bo‘lishicha, marokashlik futbolchiga Saudiyaning "Al-Ahli" klubi taklif bilan chiqqan. Hozircha klub unga qancha maosh taklif qilgani va Italiya grandiga qancha to‘lash niyatida ekanligi ma’lum emas. 

Avvalroq, Amrabat MYu safiga ko‘chib o‘tishga yaqin ekanligi haqida xabarlar chiqayotgandi. "Qizil iblislar" unga 25 million evrolik taklif bilan chiqqan, ammo florentsiyaliklar mazkur taklifga rad javobini bergandi.