Erik ten Xag “Manchester Yunayted”ning eng katta muammosini oshkor qildi

“Manchester Yunayted” bosh murabbiyi Erik ten Xag o‘zini qiynayotgan muammolar haqida gapirdi.

Ma’lumki, jamoa chempionat startini muvaffaqiyatsiz o‘tkazyapti. Manchesterliklar dastlabki oltita uchrashuvdan teng yarmida mag‘lubiyatga uchragan.

Erik ten Xag chempionat boshidayoq chap qanot himoyachilari – Lyuk Shou va Tirell Malasiyadan ayrildi. Ularning o‘rnini yopish uchun olib kelingan Serxio Regilon ham jarohat tufayli safdan chiqdi.

- Jarohatlar ko‘pligiga qaramay, himoya markazida kamchilik yo‘q. Eng katta muammo qanot himoyachilari bo‘lib turibdi, - dedi Erik ten Xag.