Энцо Мареска: "Мен шахмат ўйнашни ва томоша қилишни яхши кўраман"

Янгича форматда ўтказилаётган клублар тўртасидаги Жахон чемпионати финалида Лондоннинг "Челси" хамда амалдаги Чемпионлар лигаси ғолиби ПСЖ клублари турнирнинг биринчи чемпиони бўлиш учун бахс олиб боришади. Ушбу бахс олдидан "Челси" бош мураббийи Энцо Мареска ўз фикрларини билдириб ўтди. 

"Мен шахмат ўйнашни ва томоша қилишни яхши кўраман. Футбол хам худди шундай. Рақибингиз харакат қилганида унга жавоб беришингиз шарт. Ўйлайманки, ушбу бахс хам шундай ўтади. 

ПСЖ кучли жамоа. Улар требль қайд этдилар хамда ўзи қатнашган барча турнирларда рақибларидан кучли эканини кўрсатди. Балким улар хозирда энг тенгсиз жамоа бўлиши мумкун. Бироқ биз ўз ўйинимизни кўрсатамиз ва ғалабага интиламиз.

Кутилмаган натижалар кўп бўлмоқда. Мисол учун, "Флуминенсе" Чемпионлар лигасининг амалдаги финалчиси "Интер"ни мағлуб этди. "Ал-Ҳилол" эса "Манчестер Сити"ни мусобақадан чиқариб юборди. "Ботофого" ПСЖ дан устун келди ва яхши ўйин кўрсатди. Лекин бизнинг услубимиз уларникидан фарқ қилади" -  дейди лондонликлар устози.

Эслатиб ўтамиз, финал бахси 14 июль тунги соат 00:00 да старт олади.