Энг расво хотирам “Барселона” билан боғлиқ!

“Милан” ҳужумчиси Златан Иброҳимович фаолиятида ўзига ёқмайдиган давр ҳақида журналистларга гапириб берди.

- Менинг энг ёмон хотираларим қайси клуб билан боғлиқлигини айтайми? Бу “Барселона”даги даврим. Лекин футбол нуқтаи назаридан эмас.

У ерда ўзлигимни йўқотиб қўйгандим. Кейинчалик яна ўз ҳолимга қайта олдим ва айнан мана шундан кейин жаҳонни забт этдим, - деди Златан Иброҳимович.

Швециялик ҳужумчи Каталония клубида 2009-2010 йилги мавсумда ўйнаган. Хосеп Гвардиола қўл остида Иброҳимвоич жами 46 та учрашувда қатнашиб, 22 та гол ва 13 та ассист қайд этган.