Eng qimmat darvozabon boshqa klubga o‘tishi mumkin

"Yuventus" o‘z tarkibiga darvozabon qo‘shib olmoqchi.

"Football London" nashri tarqatgan xabarga ko‘ra, "Chelsi" posboni Kepa Arrisabalaga faoliyatini Italiya A Seriyasida davom ettirishi mumkin. Turinliklar uni ijara asosida o‘z safiga qo‘shib olmoqchi.

O‘z navbatida, ispaniyalik futbolchiga "Barselona"dan ham qiziqish bor. Kepaning o‘zi asosiy darvozabon bo‘ladigan klubiga o‘tishni niyat qilgan. U ketma-ket ikkinchi mavsumni "aristokratlar" safida zaxirada o‘tkazmoqda.

27 yoshli darvozabon 2019 yilgi mavsum avvalida "Atletik"dan "Chelsi"ga 80 million evro evaziga o‘tgandi.