Энди у керак эмас: “Реал” машҳур ҳужумчисини сотадиган бўлди

“Реал” раҳбарияти ёзги трансферлар даврида таркибини тартибга келтиришни мўлжалламоқда ва бу йўлда асосий жамоа вакилларини ҳам сотиб юбориши мумкин.

Сўнгги маълумотларга қараганда, “Қироллик клуби” бразилиялик Родриго Гоэс бўйича таклифларни кўриб чиқишга тайёр. Биринчи талаб шуки, 23 ёшли унверсал ҳужумчини қўлга киритишни истаётган клуб камида 100 миллион евро миқдорида бадал тикиши лозим.

Бу орқали мадридликлар трансфер сиёсатида муҳим мақсадларни амалга ошириш имкониятига эга бўлиши таъкидланмоқда.

Родригога анчадан бери қитъанинг энг қудратли клублари жиддий қизиқиш билдириб келади. Улар орасида “Манчестер Сити”, “Ливерпуль” ва “Пари Сен-Жермен” каби юқори мақсадлар учун курашадиган даъвогарлар бор.

Бундан ташқари, тез орада “Реал”ни қабул қилиб оладиган Хаби Алонсо ҳам таркибга ўзгартиришлар киритишни мўлжаллаган. Айрим мутахассисларнинг айтишича, испаниялик мутахассис янги таркиб шакллантиришда ҳужумкор футболчи позициясида Арда Гюлерга суянмоқчи экани айтилмоқда.