Endi "Real"ga qiyin bo‘ladi

"Liverpul"ning ikki etakchisi Muhammad Saloh va Virjil van Deyk kecha jamoaviy mashg‘ulotlarga qaytgan. Bu haqda klub rasmiy sayti xabar berdi. 

Ma’lum qilinishicha, futbolchilar oxirgi turda "Vulverxempton"ga qarshi maydonga tushishi mumkin. Shuningdek, ular 28 maydan 29 mayga o‘tar kechasi bo‘lib o‘tadigan chempionlar ligasi finalida ishtirok etishi deyarli aniq. 

Avvalroq, "Chelsi"ga qarshi bo‘lib o‘tgan Angliya kubogi finalida Saloh va van Deyk jarohat olib, maydonni erta tark etgandi. Ular ushbu bellashuvdan so‘ng "Sautgempton" bilan kechgan APL bahsini o‘tkazib yubordi.