Энди Месси ўттизталаб гол уролмайди!
Франция терма жамоаси собиқ футболчиси Людовик Жюли ПСЖга келганидан кейин Лионель Мессининг ўйин услуби ўзгариб бораётганини таъкидлади.
- Месси ўзининг ўйин услубини ўзгартирди, чунки унинг жисмоний имкониятлари аввалгидек эмас. Аргентиналик ҳужумчи ПСЖнинг энг зўр футболчиси ҳисобланган Килиан Мбаппега мослаша бошлади.
Месси ақлли ўйинчи, шунинг учун энди бир мавсумда ўттизталаб гол ура олмаслиги билади. Энди эътиборини 15-20 та голли пас бериб, шу орқали жамоага фойда келтиришга қаратмоқда. Лекин у дебют мавсумида самаралироқ ўйнашини кутгандик, - деди Людовик Жюли.
Месси жорий мавсумда Франция чемпионатида 21 та учрашувда учта гол уриб, 13 та голли пас узатди.
Фикрлар