Элина Свитолина украиналик теннисчилардан ўзиб кетти

Украиналик теннисчи Элина Свитолина “Катта дубулға” туркумига кирувчи Америка очиқ чемпионатининг ярим финал йўлланмасини қўлга киритди.

Элина "US Open" турнирининг 1/4 финал босқичида британиялик Йоханна Контага қарши кортга чиқди ва ҳар иккала сетда бир хил 6:4 ҳисобида зафар қучди.

Шу тариқа Свитолина ярим финалда америкалик Серена Уильямс ёки хитойлик Цзян Ван билан куч синашадиган бўлди.