Eldor Shomurodovga qiziqayotgan klub yanada yaxshiroq taklif tayyorlamoqda. Agar transfer amalga oshsa, hamyurtimiz EChLda o‘ynaydi

Rossiyaning "Rostov" klubi hujumchisi Eldor Shomurodovga Belgiya klubi qiziqish bildirmoqda.

Ma’lum bo‘lishicha, hamyurtimizni "Gent" o‘z safiga qo‘shib olmoqchi. Hujumchi uchun belgiyaliklar "Rostov"ga 6 million evro berishni rejalashtirmoqda.

Avvalroq, Belgiya vitse-chempioni O‘zbekiston milliy terma jamoasi a’zosi uchun “Rostov”ga 5 million evrolik rasmiy taklif yuborgani borasida xabar bergandik. Qolaversa, "Gent" vakillari ushbu summani ikki mavsum davomida bo‘lib to‘lashini bildirgan. “Rostov” rahbariyati Eldor Shomurodov transferi bo‘yicha bu taklifni rad etgandi.

O‘zbekiston fuqaroligini olgan braziliyalik futbolchi terma jamoaga chaqirildi

Endi esa xaridor tomon Shomurodovning transferiga 1 million evro qo‘shishini bildirgan. Agar transfer amalga oshsa, hamyurtimiz EChLda o‘ynashi mumkin. Sababi "Gent" yangi mavsumni EChL saralashidan boshlaydi.

Voqealar rivojini kuzatamiz.