Элдор Сакаев: Бугун мағлубият тугул, дуранг ўйнашга ҳам ҳаққимиз йўқ эди

"Бугун катта футбол байрами бўлиб ўтди. Мавсумдаги дастлабки уй учрашувимиз қийин ўтди. Стадион, атмосфера ажойиб бўлди, барчаси. Йигитлар юракдан ўйнашди ва бунинг учун уларга раҳмат айтаман. Бугун Андижон халқини хурсанд этиш учун майдонга тушган эдик ва буни уддаладик.

Футболда консентрацияни йўқотиш табиий жараён ва бу бўлиб туради. Бугун бизни жуда катта босим кутиб турган эди. Чунки ҳар доим ҳам бундай байрамлар бўлавермайди.

Биз ҳисоб учун ўйнадик. Мен ҳам аслида ҳужумкор футбол тарафдориман.  Бугун мағлубият тугул, дуранг ўйамаслигимиз керак эди. Шукурки, юзимиз ёруғ бўлди.

"Насаф" жуда жиддий рақиб ва уларнинг "Пахтакор"га қарши ўйини катта таассурот қолдирган эди", - деб Сакаевнинг сўзларини келтириб ўтди SPORTS.uz сайти мухбири Шаҳзод Холбоев.