Экитике "Ливерпуль"да қанча ойлик маош олади?

Уго Экитике "Ливерпуль" сафида айни пайтгача эришганидан юқори маош оладиган бўлди. 

"Sky Sport Deutschland" журналисти Патрик Бергернинг хабарига кўра, 22 ёшли ҳужумчи инглиз клуби билан 2031 йилгача шартнома имзолайди ва йиллик 15–16 миллион евро маош олади (солиқлардан ташқари).

Футболчининг "Айнтрахт"дан "Ливерпуль"га трансфери клубга 90 миллион евро, бонуслар билан эса 95 миллион еврога тушиши мумкин.

Эслатиб ўтамиз, Экитике ўтган мавсум Бундеслигада 33 ўйин ўтказиб, 15 гол ва 8 голли узатма билан жамоага муҳим ҳисса қўшган.