Dzyudo. Terma jamoamizjahon chempionatini fantastik tarzida boshladi!

Bolgariyaning Sofiya shahrida start olgan dzyudo bo‘yicha o‘smirlar o‘rtasidagi jahon chempionatining birinchi kungi saralash bellashuvlari yakuniga etdi.

Terma jamoamiz esa musobaqani fantastik tarzida boshladi.

Uch oltin — O‘zbekiston g‘aznasida!

Dilafruz Boltaboeva (-40 kg) — jahon chempioni bo‘lgan uchinchi o‘zbek qizi! Diyora Keldiyorova va Barchinoy Qodirovaning Bosniyadagi tarixiy g‘alabasidan keyin O‘zbekiston kadetlar o‘rtasidagi jahon chempionatida yana oltin medalga ega chiqdi. Kuchli xarakter va yorqin final - munosib g‘alaba!

Xushnud Sultonov (-50 kg) — bukilmas iroda va har bir harakatiga bo‘lgan ishonch. Uning oltin medali shu kuni jamoaning ikkinchi cho‘qqisi bo‘ldi.

Xushnudbek Burxonov (-55 kg) — chaqmoqdek tezkor va murosasiz! U terma jamoamizning umumiy g‘alabasini uchinchi oltin medal bilan mustahkamladi.

Bu haqda MOQ xabar bermoqda.