Доннарумма ғалабали серияга қайтиб олишнинг ягона йўли ҳақида гапирди

Италия терма жамоаси Жаҳон чемпионати-2026 саралаш ўйинида Норвегияга (0:3) ҳисобида енгилди. Ушбу беллашувдан сўнг жамоанинг етакчи футболчиси Жанлуижи Доннарумма ўйин ҳақида ўз фикрлари билан ўртоқлашди. 
 
"Айтадиган сўз тополмаяпман. Ўйинимизни яхшилашимиз шарт - мухлисларимиз бундай натижага лойиқ эмас. Биз ўзимизни англашимиз ва бу вазиятни биргаликда енгиб ўтишимиз керак. 
 
Биз Италия бўлганимиз учун ўзимизда куч топишимиз лозим. Бундай ўйинларга йўл қўйиб бўлмайди, ҳар бир ўйинчи масъулиятни ўз зиммасига олиши шарт. 
 
Биз ҳар қачонгидан ҳам жипслашган бўлишимиз керак. Бу бизга жуда зарур" - дея таъриф бериб ўтди ПСЖ дарвозабони. 
 
Эслатиб ўтамиз, Италия навбатдаги учрашувини 9 июнь куни Молдавияга қарши ўтказади.