"Dinamo" tarkibiga yangi futbolchilar qo‘shilishda davom etmoqda

Sergey Lushchan bosh murabbiylik qilayotgan Samarqandning “Dinamo” klubi selektsiyaga jiddiy e’tibor qaratmoqda. Bungacha tarkibga yangi futbolchilar qo‘shilganligi haqida xabar bergandik.

Aytish mumkinki, jamoaga yana boshqa o‘yinchilar ham taklif etilmoqda. “So‘g‘diyona” jamoasidan iqtidorli yarim himoyachi Oybek Nurmatov ham “Dinamo” mashg‘ulotlarida ishtirok etyapti. Ilgari Lushchan “So‘g‘diyona”ni boshqarganida Nurmatov uning qo‘li ostida to‘p surgan.

Shu bilan birga “Paxtakor”dan Jahongir Ahmadov ham samarqandliklarning yig‘inlarida qatnashyapti.