Dibalaga yangi jamoa topildi. Transfer yanvarda rasmiylashtiriladi

“Yuventus” hujumchisi Paulo Dibala qishki transferlar davrida Angliya premer-ligasiga ko‘chib o‘tishga tayyorgarlik ko‘rmoqda.

Ma’lumotlarga qaraganda, “Tottenxem” argentinalik to‘purarni olishga qaror qilgan. Joze Mourino jamoasi rahbarlari futbolchi uchun turinliklar talab qilayotgan 72,5 million funtni berishga rozilik bildirgan.

“Tottenxem” mavsumlar oralig‘ida ham Dibalaga og‘iz solgan edi. Biroq o‘shanda londonliklar u bilan shaxsiy shartnoma bo‘yicha kelisha olmagan. Paulo “yuventus” bilan ham aynan shaxsiy shartnoma bo‘yicha bir to‘xtamga kela olmadi. Sababi turinliklar futbolchining yiliga 15 million evrolik maosh borasidagi talabini qabul qilmadi.