Dibala Evropa ligasi finalida o‘ynashi mumkin

“Roma” hujumchisi Paulo Dibala Evropa ligasi finalida “Sevilya”ga qarshi o‘yin oldidan jarohatidan forig‘ bo‘ldi.

Dushanba kuni 29 yoshli futbolchi jamoa mashg‘ulotlarida qatnashdi. Insayder Janluka di Marsioning so‘zlariga ko‘ra, argentinalik futbolchi barcha tayyorgarlik belgilarini ko‘rsatgan va to‘pig‘ida og‘riq sezmagan. Shunday qilib, rimliklarning hujumkor etakchisi 31 may kuni bo‘lib o‘tadigan “Sevilya”ga qarshi Evropa ligasi final uchrashuvida maydonga tushishi mumkin.

Dibala joriy mavsumda "bo‘rilar" safida 36 ta o‘yinda maydonga tushib, 16 ta gol va 8 ta golli uzatmani amalga oshirdi.