Дэвид Мойес қилган ишидан афсусда

"Вест Хэм" бош мураббийи Дэвид Мойес "Айнтрахт"га қарши Европа лигаси ярим финал ўйини вақтида майдондан четлатилди. У майдонда тўпни олиб бериш билан шуғулланадиган "болбой"га қарата жаҳл билан тўпни тепиб юборганди. 

"Ҳа, мен тўпни "болбой"га қараб тепдим. Бунинг учун узр сўрайман. Мен бу пайтда ўзимни назорат қила олмадим.

У менга тўпни секин олиб берганди. Бу вазиятда унинг асло айби йўқ. Қилган ишимдан афсусдаман", - деди шотландиялик мутахассис. 

Эслатиб ўтамиз, "Вест Хэм" кеча Европа лигаси ярим финалида "Айнтрахт"га 0:1 ҳисобида имкониятни бой берди ва финал йўлланмасини қўлдан чиқарди.