Ла Лига раҳбари Ямалга “Олтин тўп” берилмаганининг ғалати сабабини айтди

Футболчилар учун энг нуфузли индивидуал соврин – 2025 йилги “Олтин тўп” ПСЖ ва Франция терма жамоаси ҳужумчиси Усмон Дембелега топширилди.

Франциялик футболчи соврин учун курашда иккинчи ўринни эгаллаган “Барселона” ўйинчиси Ламин Ямални ортда қолдирди. Ла Лига президенти Хавьер Тебас Испания вакили Ламин Ямал нега бош совринга лойиқ топилмагани сабабини айтди.

- Агар Ямал 23 ёшдан катта бўлганида “Олтин тўп” унга берилар эди, мен бунга аминман. Ҳали жуда ёш бўлгани учун унга бошқа совринни тутқазишди. Ямал шу даражада ўйнайшни давом эттирса, албатта “Олтин тўп”ни ҳам ютади. Бунга ҳеч қандай шубҳа йўқ, - деди Хавьер Тебас.

Таъкидлаш лозимки, 18 ёшли Ямал кетма-кет иккинчи марта мавсумнинг энг зўр ёш футболчисига бериладиган махсус соврин билан тақдирланди.