Дэн Хукер: “Ҳеч ким Арман Царукян билан жанг қилишни хоҳламайди”

Янги зеландиялик Дэн Хукер бўлажак рақиби Арман Царукян ҳақида фикрларини очиқчасига билдириб ўтди. 

“Ҳеч ким Арман билан жанг қилишни хоҳламайди. Чунки у дивизиондаги энг қийин рақиблардан бири. Лекин мен осон йўлни изламайман. Ҳаммасини ўз услубим билан ҳал қиламан. Царукяннинг отаси мураббийларига тайёргарлик учун 100 минг доллар сарфлайди. Мен эса уйимдан беш дақиқалик масофадаги залга бораман ва ўз жамоа шерикларим билан машғулот ўтказаман”, — деди Дэн "The Ariel Helvani Show" даги интервьюсида.

Хукер ўзига хос муносабати ва кескин фикрларини очиқ айтиши мухлислар ҳамда экспертлар ўртасида мунозарага сабаб бўлмоқда.